Tu zaalim he, chahe jis qadar bhi zulm kar,/
Mein ghulam Ibn-e-Haider (Radi Allah Unho) hon, sabar he wasf mera
Month: May 2013
Tribute to Khuwajha Moeenudin Chishti (Rehmatullah Alaihi)
Kia log hen, kia kam kar gai,/
Hind ke andheron mein ujale kar gai
Kar ke musalman mere aaba ko,/
Hamien be-daam, apna ghulam kar gai
Ajmer taa sindh, hidayat ke diay jala kar,/
Mueenudin (R.A) haq ka paigham aam kar gai
#umerfarooque
A tribute to Khuwajha Moeenudin Ajmeri Rehmatuulah Alahi (written on Data darbar, lahore 25-may-2013, after Maghreb prayer)
Khalish
Mere wajood mein he basi,/
Sadyoon ki taveel udasi
Mere khayal per raha chaya,/
Ik ahsaas ajab, gehra sa
Meri zuban per he aj taak jaari,/
Koi guftugu, be-mehal si
Meri khalwatoon per rahi qabiz,/
Bewajha, ik jalan si
Mere dard ke sare soote,/
Hoeiy mujtama, aik hi sagar mein
Meri chahatoon mein khari rukawat,/
Mutassil meri zaat se he
Meri sanson mein jo hai khalish,/
Kisi jalte chanar ke ba-wasaf he
#umerfarooque
Meri soch per raha pehra
Meri soch per raha pehra, khoob kara,/
Rang o nasal ka, tu kabhi khoon o watan ka
#umerfarooque
Imtahan daar zindagi, zehmat bhi nawazish bhi
Har lamha, maqsood zindagi ko imtahan he hamara,/
Zahmet bhi imtahan tehri tu nawazish bhi #umerfarooque
Daulat aur Yaqeen
Daulat, yaqeen ko youn chaat jati he jese deemak lakri ko chaat jati he
Jalte chanar ke naam
Khud ko tanha na samajhna jalte chanar kabhi/,
Koi aur bhi yahan dhara-dhar jale jata he #umerfarooque
Bazameer wa Be-zameer. .
Sab so jate hen bazameer raat ko lambi taan kar,/
Hum aise be-zameer hi dil mein daag liay phirte hen
Diwaren itni na uthao. . . . .
Fasley itne na barhao,
Keh simit na saken
Dewar itni na uthao,
ke phalang na saken
Roshni itni na phelao,
Keh haqiqat hi dhundla jai
Jhoot Itna na bolo,
Keh sach dhonde na mile
Taalkhian itni na karo paida,
Keh kuch bhi shiren na rahe
Kuch dar khule rakhna ahle Wattan,
Keh ji chahe tu aa ja saken
Meri arzi sanbhal rakhna dosto
Keh shaid kabhi mera yaqeen aa sake
Dard ka ahsaas. . .
Dard ka ahsas, alamat zindagi ki tehra
Be-dard tu koi bhi kaheen, zinda nahi rehta #umerfarooque
(revisited)
umerfarooque 