About me

Zindagi ki bhool bhalayon mein gum aik aise shakhs ka fasana, jo manzil se bekhabar he . . . Rat hote hi shaoor o lashaoor apne tamam taar jhagroon ke sath dimagh pe qabiz se ho jate hen . . . kabhi nafas apni karwayoun per mutmain wa mamoor rehta he tu kabhi jese zameer apne bojh taale daba hoa mehssos hota he . . . Mein ne kia karna tha kia pana tha kia khona tha . . . Chal chal thakan ke ba wajood ye muammah hal nahi ho ke deta . . . Har guzarne wala din apni tamam taar roshnion ke ba wajood jese mere bheter ke andheron mein izafa sa karta ja raha he . . . Har guzarta paal jese mere na hone ki naweed sunata sa mehsoos hota he . . . Dil ka asman per chaiey nafas ki ghata thoop badli. . . . umeed ka door hota soraj . . . . har naiy gunnah ki taveel ab bechaini ka sabab ban-ne si lagi he . . . . Raat ankhon mein kat-ti he . . . . . Din tafakuraat ka shikar . . . . Zindagi jese kisi gardab mein phansti si ja rahi he . . . . Nikalne ka rasta . . . . Ab koi nahi . . . . Marz barhata gaya . . . joun joun dawa ki . . . . . Zakham rasne lage hen . . . . Dharkan barhti si maloom hoti he . . . . Saans ukharne lagi he . . . . Waqat e akhir is qadar door kyoun he . . . Aur wajood kisi an-dekhi aag mein jalta sa mehsoos hota he . . . . Alamat e zindagi tu mit jane ko he . . . Per shaid kuch lazmi sawal abhi baki hen . . .. . . Door, buhat door kaheen jalte chanar apne dhowaien se meri mayoosi mein izafe ka sabab bante ja rahe hen . . . . Koi gumshuda manzil jese guzarte waqt ke sath sath mujh se door hoti ja rahi he . . . Hawaon mein basi khoon wa barood ki boo ab sansoon ki rukawat banti ja rahi he . . . . Har lamha barhti tapish ab jese buhat qareeb . . . . Ain rukhsaar ke ooper mehsoos hone lagi he . . . . Samandar ki gehrai mein mojod Allah ki be zuban makhlooq ke meri zaat se shikwe barhte maloom hote hen . . . Har guzarta lamha mere zulum mein izafa maloom hota he . . . Pal pal moat ki janib barhta zameer, na jane kab apne bojh se azad kar de . . . . Nafas ki hashar samanian na jane kab meri zaat per qabiz ho jai . . . Taab phir zindagi pur sukoon ho gi . . . Raat hote hi neend bhi aa jai gi . . . Jalte chanar bhi phir apna asaar kho bethen ge . . . Taab phir saans bhi khob rawan hon gi . . . Samandari makhlooq ke gile shikwe kaheen gehraioun mein daab kar reh jain ge . . . Taab phir dharti ki cheekh o pukar apni tawanai khoo bethe gi . . . . . . Taab khoon wa barood ki boo bhi is qadar ho gi keh mehssos na ho gi . . . Taab, jab khizaan manind bahar ho gi . . . Jab taqaze sach ke tabdil ho jain ge . . . Jab jhoot khoob izaat wala ho ga . . . Jab charcha e insaaf tu buhat ho ga . . . Par insaaf na ho ga . . . Tab, jab sach kaheen chupa ho ga . . . . Par uska mutlaashi bhi kaheen na ho ga . . . Tab, jab hukooomat jhoot ki ho gi aur ruswai sach ki hogi . . . . Tab, jab zameer ke naam per bikne nafas lage ga . . . . . Tab, jab sab sach ho ga per sab wo jhoot bhi ho ga . . . . Tab, jab qatil hi maqtool bhi ho ga . . . . Tab, jab wafadar bhi gaddar hi ho ga . . . Tab, jab saans ukhre gi zameer ki jese jese . . . Wese wese tawana, nafas ho ga . . . Jab manzil kho jai gi . . . . Tab, jab raste malya mait hon ge . . . . Tab, jab aag barhti jai gi . . .Tab, jab zalzalay meri zaat mein hon ge . . . . Tab, jab sab theek hon ge aur galat bhi . . . Tab, jab sab sach ho ga per jhoot bhi ho ga . . . Tab, jab saans zameer ki ukhaar jai gi . . . Aur gaalib nafas aa jai ga . . . Mujhe jalte chanar ke pass chor dena . . . Jahan mein nafas apna jala sakoon. . . Keh shaid kuch sukoon mujh bechain ko muyassar ho jai . . . . . Mujhe jalte chanar ke pass chor dena . . . . Ta- waqt-e-keh meri saans jalte chanar ki boo se hum ahang ho jai . . . . Shaid keh mein gardab se nikal sakoon . . . . . Keh iss taranh zameer tawana aur nafas mera fana ho sake . . . . Mujhe jalte chanar ke pass chor dena . . . . Mujhe jalte chanar ke pass chor dena . . . .

https://twitter.com/tr_umerfarooque

27 thoughts on “About me

  1. A big WOW !! Really owesome……I wonder if you had written it by yourself , you are a great great write ! Love your urdu words and Love Love it all ! 🙂 xx

    • Ppl with same nature & taste & personality make efforts to find each other may be we are psychologically trained to do so un consciously . . .

      Yes, we have most important thing in common personality

      So hum aik dosre ko tora buht tang kar sakte hen: p u too r welcome & will be encouraged to do so …:p

      Agar kuch bura laga tu sorry: ( & let me know if I make some mistake. .

  2. WOW!!!!!!!!!!!!!!
    Pretty Awesome …..
    I like Urdu poems and the words that are managed and written in a nice way so buhut acha tha jo leka gaya hey
    HOpe the journey will remain pleasant
    Thank you

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s